Klukkan hálf fimm í gær kom heldur betur óvenjuleg uppfærsla inn á Facebook síðu Lögreglunnar á Norðurlandi Eystra. Þar stóð:
„Grís í óskilum. Þau eru ýmis verkefnin sem koma inn á borð lögreglunnar. Nú eru lögreglumenn á Akureyri á leið í Hagahverfi, þar sem tilkynnt var um grís á ráfi inni í garði.
Þeir sem hafa upplýsingar um hver mögulegur eigandi dýrsins gæti verið eru beðnir um að hafa samband við viðkomandi og við lögregluna – gegnum síma 112.“
Auglýsing - Vilt þú auglýsa hér?
Rúmlega hálfri klukkustund seinna var færslan uppfærð og tekið fram að eigandi gríssins væri fundinn. Færslan vakti mikla lukku meðal netverja, enda aldeilis óhefðbundin lögreglutilkynning.
