MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Ljósaganga í tilefni 16 daga átaks gegn kynbundnu ofbeldi

Eftir Ingólfur Stefánsson·
1669580155_samkomubru
kaffid.is

Fimmtudaginn 1. desember kl. 16.30 fer fram ljósaganga í tilefni 16 daga átaks gegn kynbundnu ofbeldi. Þann 25. nóvember var alþjóðlegur baráttudagur gegn ofbeldi á konum og 10. desember er hinn alþjóðlegi mannréttindadagur. Markmið átaksins er að knýja á um afnám alls ofbeldis.

Sjá einnig: Samtakamáttur samfélagsins í upprætingu ofbeldis

Gengið verður frá Zontahúsinu, Aðalstræti 54, og að Bjarmahlíð, Aðalstræti 14, þar sem Bjarney Rún Haraldsdóttir, teymisstjóri Bjarmahlíðar, flytur stutt erindi.

Að göngunni standa Soroptimistaklúbbur Akureyrar, Zontaklúbbur Akureyrar og Zontaklúbburinn Þórunn hyrna ásamt nemendafélögum Menntaskólans á Akureyri og Verkmenntaskólans á Akureyri.

Allir eru hvattir til að mæta og ganga saman gegn ofbeldi.

Eftirtaldar byggingar eru lýstar upp með appelsínugulum lit í tilefni átaksins:

  • Glerárkirkja
  • Fjöru-Drottningarbrautarstígur
  • Menntaskólinn á Akureyri
  • Ráðhúsið Geislagötu 9
  • Minjasafnið og Nonnahús
  • Menningarhúsið Hof

Viðburðurinn á Facebook.

Tengdar greinar

Uppfært: 25. apríl 2026