Það var stemning í Skautahöll Akureyrar í gær
Kvennalandslið Íslands í knattspyrnu og íshokkí eru bæði stödd á Akureyri í æfingabúðum.
Íshokkíliðið mun taka þátt í Heimsmeistaramótinu sem fer fram á Akureyri dagana 27.febrúar-5.mars næstkomandi. Stelpurnar í knattspyrnulandsliðinu eru á fullu í undirbúningi fyrir lokakeppni Evrópumótsins í Hollandi næsta sumar.
Sjá einnig: Íslenska kvennalandsliðið vakti lukku í Boganum
Í gær mættust þessi lið í Krullu í Skautahöllinni á Akureyri. Krullukeppnin var ætluð til gamans og til að hrista hópana saman fyrir komandi átök og ekki er verra að því fylgi smá keppni. Bæði lið unnu leiki og á Facebook síðu íshokkíliðsins er sagt að lokaniðurstaðan skipti engu máli. Þar má einnig sjá myndir frá þessari skemmtilegu keppni. Hægt er að skoða þær hér.
UMMÆLI