Ætli Arnþrúður og Pétur skelli sér í sólina?
Ferðaskrifstofan Kilroy, sem sérhæfir sig í þjónustu fyrir ungt fólk og námsmenn hefur gefið frá sér ansi áhugaverða yfirlýsingu. Það hefur eflaust ekki farið framhjá neinum að á Útvarpi Sögu hefur verið mikil umræða um málefni innflytjenda og flóttamanna og hefur mörgum þótt sú umræða vera á ansi lágu plani.
Forsvarsmönnum Kilroy hefur þótt umræðan á Útvarpi Sögu í garð annarra menningarheima heldur einhæf og neikvæð og hafa því skorað á Arnþrúði Karlsdóttur, útvarpsstjóra, og Pétur Gunnlaugsson, útvarpsmann, að þiggja ferð til að heimsækja Jórdaníu.
„Við teljum þetta vera einstækt tækifæri fyrir ykkur til að víkka sjóndeildarhringinn, kynnast arabískri menningu og smakka á öllum þeim fjölbreyttu réttum sem þar eru í boði,“ segir í tilkynningunni sem fyrirtækið birti á Facebook síðu sinni fyrir skemmstu.
Áskorunina má sjá í heild hér að neðan
UMMÆLI