Kevin Vazquez í Þór
Eftir Ingólfur Stefánsson·

Knattspyrnudeild Þórs á Akureyri hefur samið við spænska knattspyrnumanninn Kevin Vazquez. Vasquez hefur gert samning við félagið út árið 2027.
Í tilkynngu á vef Þórs segir að Kevin sé 33 ára gamall bakvörður sem lék síðast með spænska B-deildarliðinu Sporting Gijon þar sem hann hefur leikið síðustu tvö tímabil.
Þar á undan lék Kevin með spænska úrvalsdeildarliðinu Celta Vigo sem er hans uppeldisfélag. Á ferli sínum þar lék hann 82 leiki með aðalliði Celta í La Liga og Copa del Rey og þónokkra af þeim sem fyrirliði.
„Við bjóðum Kevin velkominn í Þorpið og hlökkum til að fylgjast með honum í baráttunni með strákunum okkar,“ segir á vef Þórs.
Tengdar greinar
Uppfært: 6. september 2026










