KA og Haukar mættust í kvöld í 32-liða úrslitum í Coca Cola bikarnum á Akureyri.
Haukar hefndu ófarana frá því í deildinni á dögunum þegar KA sigraði Hauka en í kvöld sigruðu Haukar leikinn 30-23 eftir að hafa leitt 16-10 í hálfleik.
Orri Freyr Þorkelsson, fór á kostum í vinstra horninu hjá Haukum og skoraði ellefu mörk. Næstur á eftir Orra var Daníel Þór Ingason með fimm mörk.
Hjá KA var það Tarik Kasumovic sem var atkvæðamestur með sex mörk. Næstur kom Jóhann Einarsson með fjögur mörk.
Næsti leikur KA verður mánudaginn 12. nóvember þegar Afturelding kemur norður yfir heiðar.
UMMÆLI