MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Íþróttir

KA eflir júdó fyrir fólk með þroskahömlun

Eftir Hákon Orri Gunnarsson·
135215e3-ff32-42d7-9455-fe50b58b30e3
kaffid.is

Eirini Fytrou, júdóþjálfari hjá Júdódeild KA, var nýlega einn af tveimur íslenskum fulltrúum á alþjóðlegri ráðstefnu í Madríd um aðlögun júdó fyrir einstaklinga með þroskahömlun. Ráðstefnan var lokaliður í 18 mánaða þjálfaraáætlun á vegum verkefnisins „Judo Intellectual Disability Project“ (JIDP), en alls tóku 86 þjálfarar frá 14 löndum þátt. Þetta kemur fram á vef KA.

Á ráðstefnunni sem haldin var af spænska júdósambandinu, kynntu þátttakendur sér nýjar kennsluaðferðir, öryggisreglur o.fl. Þá fengu þeir tækifæri til að taka þátt í verklegri æfingu undir stjórn Marinu Fernandez Ramirez, landsliðsþjálfara Spánar fyrir fatlaðra.

Með þátttöku sinni aflaði Eirini sér dýrmætrar þekkingar sem mun nýtast við að byggja upp öflugt júdóstarf fyrir fólk með þroskahömlun á Akureyri. Júdódeild KA stefnir á að vera í fararbroddi á þessu sviði á Íslandi og með því tryggja að allir hjlóti tækifæri til að stunda íþróttir.

Tengdar greinar

Uppfært: 25. apríl 2026