MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Jólakaffið

Jólasveinn með krukku

Eftir Ritstjórn·
prjónaðir jólasveinar (1)
kaffid.is

Akureyringurinn María Dís Ólafsdóttir prjónaði sitt eigið jólaskraut fyrir síðustu jól og vill deila með sér uppskrift af jólasveinum í krukku sem eru bæði tilvalið jólaskraut sem og leynihólf fyrir góðgæri yfir hátíðirnar.

Það eru sveinar út um allt. En þeir innihalda ekki allir gjafir…

Tvöfaldur plötulopi á prjóna nr. 4. Það þarf u.þ.b. 25 g í húfu, 25 g í búk með vettlingum og um 10 g í skegg. Krukkan er 29 cm í ummál og 11.5 cm á hæð (frá ORA).

Húfa:
Fitjið upp 60 lykkjur og prjónið slétt í hring, 10 umferðir. Hefjið þá úrtöku á tveimur stöðum með jöfnu millibili. (Úrtaka: Prjónið 2 lykkjur saman, takið eina lykkju óprjónaða, prjónið eina lykkju og steypið þeirri óprjónuðu yfir). Gerið úrtöku í annarri hverri umferð þar til lykkjum hefur fækkað niður í 48 talsins. Gerið eftir það úrtöku í þriðju hverri umferð þar til 4 lykkjur eru eftir. Klippið þá á endann, dragið í gegnum lykkjurnar sem eftir eru og gangið frá endum.

Búkur:
Fitjið upp 40 lykkjur og prjónið slétt í hring eina umferð. Prjónið gata hring, þ.e. 2 lykkjur saman og slá upp á prjóninn út eina umferð. Prjónið 10 umferðir slétt. Prjónið þá 5 lykkjur upp á auka band (eins og þumall), prjónið 15 lykkjur og prjónið næstu 5 lykkjur á auka band. Klárið umferðina og prjónið 18 umferðir til viðbótar. Prjónið úrtöku með sama sniði og í húfunni nema nú er úrtaka gerð á fjórum stöðum með jöfnu millibili og í hverri umferð. Þægilegt er að hafa lykkjurnar á 4 prjónum og 10 lykkjur á hverjum prjóni. Þegar 8 lykkjur eru eftir er lopinn klipptur og dregin í gegnum lykkjurnar. Gangið frá endum.

Hendur:
Prjónaðar eins og þumlar á vettlingum. Takið upp 12 lykkjur af öðru auka bandinu og prjónið slétt í hring 8 umferðir. Skiptið um lit til að gera vettling á jólasveininn. Prjónið 6 umferðir. Prjónið eina umferð þar sem 2 og 2 lykkjur eru prjónaðar saman. Klippið lopann og dragið í gegnum lykkjurnar 6. Gerið hina hendina eins og gangið frá öllum endum.

Gott er að skola/þvo búkinn og húfuna áður en skeggið og nefið er sett á.

Búið til lítinn hnykil sem nef og saumið á búkinn. Gott er að stinga endanum nokkrum sinnum í gegnum hnykilinn með nálinni svo hann haldi forminu betur. Festið skegg á eins og kögur, snyrtið svo til og greiðið varlega.

Setjið annað hvort band eða teygju í gegnum götin efst á búknum og strekkið vel utan um krukkuna að ofan verðu svo búkurinn haldist uppi. Fyllið svo krukkuna af nammi og setjið húfuna á áður en gestirnir koma og klára allt nammið.

María Dís Ólafsdóttir, stofnandi Nanna Lín

Tengdar greinar

Uppfært: 25. apríl 2026