MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Íþróttir

Íþróttavika í Eyjafjarðarsveit

Eftir Hákon Orri Gunnarsson·
eyjafjarðarsveit
kaffid.is

Undirbúningur er hafinn við skipulagningu Íþróttaviku Evrópu sem haldin er ár hvert frá 23. september til 30. september. Markmið íþróttavikunnar er að kynna íþróttir og hreyfingu fyrir almenningi í Evrópu og er hún ætluð öllum óháð aldri, bakgrunni eða líkamlegu ástandi. Eyjafjarðarsveit leitar til heimamanna sem bjóða upp á hreyfi- eða vellíðunarúrræði að staðaldri og annarra sem hafa áhuga á að bjóða upp á dagskrá í þessari tilteknu viku í anda hennar. Þetta kemur fram á vef sveitarfélagsins, þar segir einnig:

Fyrirhuguð er sú nýjung að efna til svokallaðs „Virkniþings“ í íþróttamiðstöðinni þar sem öllum þeim sem bjóða upp á skipulagt hreyfi- íþrótta – og vellíðunarstarf er boðið að kynna starfsemi sína endurgjaldslaust.

Þeir sem hafa áhuga á því að bjóða upp á viðburði í dagskrá íþróttavikunnar eru beðnir um að hafa samband við Karl Jónsson forstöðumann Íþróttamiðstöðvar Eyjafjarðarsveitar á netfanginu karlj@esveit.is sem fyrst, en hann gefur einnig allar upplýsingar um verkefnið.

Tengdar greinar

Uppfært: 25. apríl 2026