Íslenska metalsveitin Sót steig á svið á Wacken Open Air í gær

Íslenska metalsveitin Sót keppti í gær í Wacken Metal Battle. Keppnin er hluti af Wacken Open Air í Þýskalandi, einni stærstu metalhátíð heims – uppselt er á hátíðina en um 85.000 miðar voru í boði.
Wacken Metal Battle er stærsta metalkeppni heims. Yfir 100 lönd taka þátt í forkeppnum víða um heim, en í ár fá hljómsveitir frá 31 landi að stíga á svið í Þýskalandi. Sót steig á svið í gær klukkan 17:35 að íslenskum tíma á Headbangers Stage, þar sem margar af stærstu hljómsveitum metalsögunnar hafa hafið feril sinn.
Hljómsveitin Sót var stofnuð á Akureyri en hana skipa þeir Arnar Smári Sigurðsson, Aron Freyr Ívarsson, Daníel Hrafn Ingvarsson, Ísleifur Jónsson og Ívar Leó Hauksson.
Hægt er að kjósa Sót í áhorfendakosningu keppninnar.
Kosning: metal-battle.com/voting
Hægt er að fylgjast með Sót á samfélagsmiðlum undir notandanafninu @thesotofficial á Instagram og TikTok, auk þess sem tónlist sveitarinnar er aðgengileg á Spotify.
Tengdar greinar
Uppfært: 6. september 2026










