Hjalti Þór Vilhjálmsson verður eftirmaður Benedikts Guðmundssonar hjá körfuboltaliði Þórs og mun stýra liðinu í Dominos-deildinni á næstu leiktíð. Hjalti Þór gerir þriggja ára samning við Þór.
Hjalti Þór hefur einu sinni áður þjálfað lið í efstu deild en hann er 34 ára og hefur þjálfað hjá uppeldisfélagi sínu, Fjölni, í mörg ár.
Auglýsing - Vilt þú auglýsa hér?
Þórsarar voru nýliðar í Dominos deildinni á yfirstandandi leiktíð en féllu úr leik í fyrstu umferð úrslitakeppninnar.
Benedikt þjálfaði bæði karla- og kvennalið Þórs síðastliðin tvö ár en Hjalti mun ekki sjá um þjálfun kvennaliðsins og stendur leit að nýjum þjálfara fyrir kvennaliðið nú yfir.
