Heimir Örn
Um helgina munu félagarnir Heimir Örn Árnason og Sigurður Þrastarson halda til Noregs og dæma tvo handboltaleiki.
Heimir og Sigurður hafa getið af sér gott orð sem handknattleiksdómarar á undanförnum árum en Heimir er goðsögn í akureyrskum handbolta og átti afar farsælan leikmannaferil. Sigurður er ekki bara handboltadómari heldur dæmir hann líka knattspyrnuleiki á sumrin. Þess má einnig geta að Sigurður er afreksmaður í Crossfit og hefur meðal annars keppt á evrópu og heimsmeistaramótum.
Verkefni þeirra um helgina er samvinnuverkefni dómaranefnda á Norðurlöndunum til þess að dómarar geti safnað að sér erlendri reynslu.
Á laugardag dæma þeir leik Drammen og Falk Horten í norsku úrvalsdeildinni og á sunnudag dæma þeir Haslum IL – Haugaland í 1. deild karla.
UMMÆLI