MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Íþróttir

Hallgrímur Jónasson skrifar undir nýjan samning hjá KA

Eftir Ingólfur Stefánsson·
haddi
kaffid.is

Hallgrímur Jónasson hefur skrifað undir nýjan tveggja ára samning við knattspyrnudeild KA á Akureyri og mun því þjálfa meistaraflokk KA í fótbolta næstu tvö árin hið minnsta. Þetta kemur fram í tilkynningu á vef KA í dag þar sem segir að spennandi tímar séu framundan hjá félaginu sem tryggði sér á dögunum áframhaldandi veru í deild þeirra bestu.

„Það eru spennandi tímar framundan hjá okkur KA-mönnum en ljóst er að breytingar verða á liðinu okkar og treystum við Hadda fullkomlega til að leiða félagið í þeirri vegferð. Hann hefur skipað lykilhlutverk í þeirri miklu uppbyggingu sem hefur átt sér stað innan félagsins undanfarin ár og hlökkum við svo sannarlega til að halda þessu góða starfi áfram með Hadda í brúnni,“ segir í tilkynningu KA.

Haddi gekk í raðir KA sem leikmaður fyrir sumarið 2018. Þá hafði hann leikið sem atvinnumaður frá árinu 2009 með liðunum GAIS, SønderjyskE, OB og Lyngby BK auk þess lék hann 16 A-landsleiki fyrir Íslands hönd og gerði í þeim þrjú mörk.

Hann tók við sem aðstoðarþjálfari hjá KA árið 2020, fyrst með Óla Stefáni Flóventssyni og síðar með Arnari Grétarssyni. Haddi neyddist til að leggja skóna á hilluna fyrr en ætlunin var eftir erfið meiðsli sumarið 2020 en í framhaldi af því hefur hann lagt sig allan við þjálfunina og sótt helstu gráður á vegum UEFA. Undir lok sumarsins 2022 tók Haddi loks við sem aðalþjálfari KA og tryggði félaginu sæti í Sambandsdeild UEFA er KA endaði í 2. sæti efstudeildar.

Á vef KA má lesa nánar um feril Hadda hjá KA hingað til.

Tengdar greinar

Uppfært: 25. apríl 2026