Fjórða bikarmót ársins í þríþraut var haldið á Selfossi í gær. Akureyringurinn Hafdís Sigurðardóttir, margfaldur Íslandsmeistari í hjólreiðum, kom fyrst í mark á einni klukkustund, fimm mínútum og 31 sekúndu, 53 sekúndum á undan næstu konu.
Hafdís segist hafa fengið áskorun frá vinkonu sinni fyrr í sumar um að prófa að taka þátt í einni þríþraut og að hún hafi látið slag standa og skemmt sér ótrúlega vel.
Auglýsing - Vilt þú auglýsa hér?
„Mér leið bara svona þokkalega miðað við aðstæður. Frábær keppni og bara ótrúlega skemmtileg umgjörð hérna og gaman að vera að taka þátt,“ sagði Hafdís í viðtali við fréttastofu RÚV eftir keppnina.
Mynd: Skjáskot/RÚV
