Hættustigi vegna vatnavaxta aflétt á Norðurlandi eystra
Eftir Rakel Guðmundsdóttir·

Ríkislögreglustjóri í samráði við Lögreglustjórann á Norðurlandi eystra hefur ákveðið að aflétta hættustigi vegna vegna leysinga og vatnavaxta í ám og vötnum á Norðurlandi eystra.
Gríðarlegir vatnavextir voru á Norðurlandi í síðustu viku, en það er ekki lengur raunin og því er óhætt að aflétta hættustiginu. Unnið er að lagfæringum á þeim vegum og brúm sem skemmdust.
Hættustig var sett á 1. júlí síðastliðinn vegna mikilla vatnavaxta í ám og vötnum á svæðinu. Þessar miklu leysingar komu til vegna mikils lofthita.
Tengdar greinar
Uppfært: 25. apríl 2026










