Hættuástand við Dettifoss
Eftir Ingólfur Stefánsson·

Svæðið við Dettifoss vestan ár er lokað vegna asahláku og mikilla vatnavaxta. Hætta er á því að fólk lendi í lífshættu og hætt er á gróðurskemmdum. Þetta kemur fram í tilkynningu á vef Vatnajökulsþjóðgarðs í dag.
„Við vonumst til að geta opnað svæðið næstkomandi fimmtudagskvöld eða á föstudaginn. Frekari upplýsingar síðar,“ segir í tilkynningunni.
Lögreglan á Norðurlandi eystra hvetur ferðafólk að fara eftir fyrirmælum sem gefin hafa verið.
Tengdar greinar
Uppfært: 25. apríl 2026










