Gunnar Viðar Þórarinsson, framkvæmdastjóri á Reyðarfirði, verður efstur á lista Lýðræðisflokksins í Norðausturkjördæmi í komandi Alþingiskosningum. Annað sæti listans skipar Helga Dögg Sverrisdóttir, kennari og sjúkraliði á Akureyri. Í þriðja sæti er síðan Bergvin Bessason, blikksmiður á Akureyri.
Þetta kemur fram í tilkynnningu sem Lýðræðisflokkurinn gaf út á YouTube síðu sinni í gærkvöldi og deildi inn á Facebook síðu sína í morgun. Í tilkynningunni greinir Arnar Þór Jónsson, lögmaður, fyrrum forsetaframbjóðandi og stofnandi Lýðræðisflokksins, frá efstu þrem sætunum á lista flokksins í hverju kjördæmi, en flokkurinn býður fram í öllum sex kjördæmum. Hægt er að horfa á tilkynninguna í heild sinni í spilaranum hér að neðan.
UMMÆLI