Töluverður erill var hjá lögregluni á Norðurlandi eystra aðfaranótt páskadags samkvæmt Facebook síðu þeirra.
Tveir aðilar voru handteknir í bifreið rétt eftir miðnætti á aðfaranótt páskadags. Mennirnir voru grunaðir um fíkniefnamisferli. Ökumaður reyndist undir áhrifum fíkniefna og farþeginn með nokkuð af fíkniefnum á sér sem og hníf. Lögregla lagði hald á hnífinn en aðilunum var sleppt eftir skýrslutöku.
Sjá einnig: Maður stunginn í lærið í Kjarnaskógi
Einn aðili gisti fangageymslu að sökum ölvunar sömu nótt og annar aðili fór sömu leið eftir að hafa ruðst inn í hús og lent í átökum við húsráðanda. Aðilinn var í mjög annarlegu ástandi að sögn lögreglu en húsið sem hann ruddist inn í er hans fyrrum heimili. Ekki er vitað að svo stöddu hvers vegna hann réðst inn á heimilið.
UMMÆLI