Mynd frá skóflustungunni á laugardaginn. Mynd: stjornarradid.is.
Fyrsta skóflustungan að nýjum göngu- og hjólreiðastíg frá Hrafnagilshverfi í Eyjafjarðarsveit að Akureyri var tekin á laugardaginn. Jón Gunnarsson, samgönguráðherra, tóku fyrstu stunguna á 500. Fundi sveitarstjórnar Eyjafjarðarsveitar. Þetta verkefni er eitt stærsta framkvæmdarverkefni Eyjafjarðarsveitar á kjörtímabilinu, ásamt ljósleiðaratengingu allra heimila. Gerð hjólastígsins er samvinnuverkefni Eyjafjarðarsveitar og Vegagerðarinnar sem leggja jafn mikið fé í verkið og sá Vegagerðin um hönnun. Við ahöfn í morgun sögðu forráðamenn sveitarfélagsins að lagning hjólastígsins væri í senn mikið öryggisatriði og að með honum væri komið til móts við sífellt aukna umferð hjólreiðamanna.
Stefnt er á að stígurinn verði fullbúinn næsta sumar en verkið verður unnið í tveimur áföngum, þ.e. undirbygging og fleiri verkþættir í fyrri áfanga sem áætlað er að verði lokið fyrir jól. Sá verkhluti var boðinn út fyrr í sumar og átti Finnur ehf. lægsta tilboð, 81,5 milljónir króna. Síðari áfangi verksins er slitlagslögnin og verður hún boðin út síðla næsta vetrar.
Stígurinn verður um 7,5 kílómetra langur og liggur meðfram Eyjafjarðarbraut frá Hrafnagilshverfi að bæjarmörkum Akureyrar.
UMMÆLI