Berglind Ósk Guðmundsdóttir hlaut afgerandi kosningu í annað sætið í prófkjöri Sjálfstæðisflokksins í Norðausturkjördæmi. Hún var einnig sá frambjóðandi sem fékk að hljóta afgerandi kosningu í annað sætið í prófkjöri Sjálfstæðisflokksins í Norðausturkjördæmi og ná svo einnig mesta heildarfjölda allra greiddra atkvæða í 1.-5. sætið eða 1.183 atkvæði af 1.499 greiddum atkvæðum. Berglind segir niðurstöðuna vera stórsigur fyrir sig.
„Þakklæti er mér ofarlega í huga eftir helgina og ég er rétt núna að ná að koma fótunum aftur á jörðina. Tilfinningin er virkilega góð og ég er hæstánægð með það traust sem mér er sýnt,“ skrifar hún á Facebook.
„Framundan eru spennandi tímar en fyrst og fremst langar mig að nýta næstu vikurnar til að halda áfram að rækta samböndin við fólkið í kjördæminu og stilla saman strengi meðal okkar sem verðum á lista. Lykillinn að baráttunni framundan er gott samtal við félagana í kjördæminu. Það er mikilvægt að við stöndum þétt saman og virkjum fleiri til góðra verka. Stuðningur fjölskyldu og vina skiptir öllu máli og fyrir þau er ég afskaplega þakklát. Baráttan var líka drengileg og góð. Þakka meðframbjóðendum fyrir skemmtilegar stundir í prófkjörinu og hlakka mest til áframhaldandi samstarfs með þessum góða hóp.Í lokin langar mig að þakka allar kveðjurnar í síma, skilaboðum eða á síðunni minni. Það er ómetanlegt að heyra frá ykkur öllum. Áfram veginn!“
UMMÆLI