Fulltrúar Þórs, KA og Þórs/KA á sáttafundi hjá Geir Kristni Aðalsteinssyni, formanni ÍBA.
Fulltrúar Íþróttabandalags Akureyrar, Þórs, KA og kvennaliðs Þórs/KA funduðu í dag á skrifstofu ÍBA og fóru yfir hitamál síðustu sólarhringa en eins og ítarlega hefur verið fjallað um hér á Kaffinu ákvað aðalstjórn KA að slíta samstarfi við Þór um rekstur sameinaðra kvennaliða félaganna í fótbolta og handbolta.
Sjá einnig: Samstarfi Þórs og KA í kvennaboltanum slitið
Í tilkynningu frá ÍBA segir að fundurinn hafi verið mjög góður og hafi farið fram á jákvæðum nótum. Farið var yfir sjónarmið félaganna og vinna sett í gang varðandi næstu skref í málinu. Þá segir einnig að fleiri fundir verði haldnir á næstu dögum.
Ennfremur vilja þau sem sátu fundinn hvetja Akureyringa til að fara varlega í orðræðu, bæði á götuhornum og samfélagsmiðlum, þegar kemur að samvinnu þessara tveggja félaga.
Sjá einnig
UMMÆLI