Ferðaskrifstofan Heimsferðir mun bjóða upp á flug til Tenerife frá Akureyri í sumar. Ferðir fyrir júní og júlí eru þegar komnar í sölu.
Heimsferðir hafa í gegnum árin boðið upp á flug frá Akureyri til spennandi áfangastaða úti í heimi. Trausti Hafsteinsson, sölustjóri Heimsferða, er stoltur af því að auka enn frekar úrval ferðaskrifstofunnar í beinu flugi frá Akureyri.
„Þessu ber að fagna, enda frábær viðbót við fjölbreytta sumaráætlun okkar í ár.Við erum mjög ánægð að geta boðið viðskiptavinum okkar enn fleiri kosti í beini flugi frá Akureyri. Norðlendingar eiga ekkert nema gott skilið og ég vona að þeir taki þessum sumarflugum fagnandi.Það skemmir ekki fyrir að verðið sem við bjóðum er mjög gott og pakkaferðirnar vandaðar í alla staði. Það er virkilega ánægjulegt að bjóða nú þessi beinu flug í sumar sem fela í sér ný tækifæri á þessari flugleið, sem við höfum sinnt af álúð um margra ára skeið,“ segir Trausti.
UMMÆLI