MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Fjöldi fólks féll fyrir aprílgabbi Norður

Eftir Ingólfur Stefánsson·
Screen Shot 2021-04-01 at 13.53.11
kaffid.is

Aðstandendur líkamsræktarstöðvarinnar Norður á Akureyri auglýstu stóra útiæfingu fyrir iðkendur sína á bílaplaninu við Glerártorg í dag. Æfingin átti að hefjast klukkan 11:15. Rapparinn Halldór Kristinn ætlaði að halda skemmtiatriði og glaðningur frá Nocco átti að vera í boði. Þeim sem fannst þetta allt saman of gott til að vera satt höfðu rétt fyrir sér þar sem að í dag er 1. apríl og þetta var aprílgabb.

Það voru þó alls ekki allir sem áttuðu sig á því og upp úr klukkan 11 var fólk farið að láta sjá sig á bílaplaninu við Glerártorg. Þar beið þeirra ekkert nema tilkynning frá Norður, á auglýsingaskiltinu við Glerártorg, um að þau hefði fallið fyrir aprílgabbi.

Björk Óðinsdóttir, ein af eigendum Norður, segir að í gær hafi verið tekin ákvörðun um að gabba liðið smá en að hún hafi ekki búist við því að ná svona mörgum. Hún segir að áhuginn á þessu muni mögulega þýða það að æfingastöðin bjóði upp á eitthvað svipað, þegar samkomutakmarkanir verði rýmkaðar.

„Þetta er greinilega eitthvað sem margir hafa áhuga á. Þó það megi ekki framkvæma þessa hugmynd í dag vegna ástandsins og samkomutakmarkanna þá munum við klárlega reyna aftur þegar það má,“ segir Björk við Kaffið.is.

Fjöldi fólks féll fyrir aprílgabbi Norður

Tengdar greinar

Uppfært: 25. apríl 2026