Fiskidagurinn
mikli verður að sjálfsögðu haldinn um helgina, eins og árlega, á Dalvík.
Fiskidagurinn er stærsta útihátíðin á Norðurlandi og hefur verið gríðarlega
vinsæl meðal Akureyringa og nærsveitunga.
Matseðill Fiskidagsins er klár og áhugaverður að vanda en Friðrik V. er
yfirkokkur og lagði línurnar að matseðlinum ásamt sínu fólki.
8000 lítrar af drykkjum og 10 tonn af fiski
Það er með ólíkindum hversu stór dagurinn er orðinn en t.a.m. verður notaður 1200 lítra súpupottur fyrir fiskisúpu og notað um 10 tonn af fiski. Auk þess verða um 8000 lítrar af drykkjum í boði.
Að matnum standa um 300 sjálfboðaliðar enda eru um 130.000 matarskammtar framreiddir yfir daginn. Ævinlega er skemmtilegt að fylgjast með 8 metra löngu grillinu sem framleiðir matinn og síðan er að sjálfsögðu fiskidagspizzan, sem er 120 tommur að stærð, og gefur um 640 pizzasneiðar. Pizzan er einmitt sett í ofn með gaffallyftara.
Fiskur frá Akureyri, Dalvík og víðar í boði
Á boðstólnum á Fiskidaginn verða gamlir og góðir réttir eins og síld og rúgbrauð, filsurnar; sem eru fiskipylsur í brauði, harðfiskur og íslenskt smjör, fersku rækjurnar og fiskiborgararnir. Allir drykkir á hátíðinni eru í boði Egils Appelsín.
„Sushi Corner á Akureyri mætir aftur, fiskurinn á grillunum er með nýju sniði, bleikja í Pang Gang sósu og þorskur í karamellu og mangósósu. Á bás Friðrik V. verður í boði Hríseyjarhvannargrafin bleikja og nýjung á þessum bás verða steiktar gellur. Akureyri FISH og Reykjavík FISH koma með Fish and chips. Sérbás verður með Indversku rækjusalati í boði Dögunar. Nings-fjölskyldan mætir með risasúpupottinn þar sem boðið verður uppá austurlenska rækju og bleikjusúpu. Aðstoðarkokkur Fiskidagsins mikla, Addi Yellow, stýrir sasimistöðinni þar sem langreyður frá Hval h.f og bleikja verða í boði. Grímur Kokkur mætir eftir árshlé með plokkfiskinn góða og ostafylltar fiskibollur. Moorthy og fjölskylda á Indian Curry House á Akureyri mæta einnig til baka eftir árshlé með Taandoori bleikju og Naan brauð. Kaffibrennslan býður uppá kaffi eða svartan Rúbín, Íspinnar verða frá Samhentum og Samherji býður uppá sælgæti og merki dagsins,“ segir í tilkynningu frá Fiskideginum mikla.
UMMÆLI