Fimm umsóknir um dómaraembætti á Norðurlandi eystra
Eftir Ingólfur Stefánsson·

Fimm sóttu um embætti dómara með fyrsta starfsvettvang við Héraðsdóm Norðurlands eystra, sem auglýst var 8. maí síðastliðinn. Umsóknarfrestur rann út 26. maí síðastliðinn og eru umsækjendur eftirtaldir:
- Erna Björt Árnadóttir aðstoðarmaður dómara við Héraðsdóm Reykjaness.
- Jón Stefán Björnsson aðstoðarmaður dómara við Héraðsdóm Reykjaness.
- Margrét Helga Kristínar Stefánsdóttir lögfræðingur hjá Umboðsmanni Alþingis.
- Sigmundur Guðmundsson lögmaður.
- Þorbjörg I. Jónsdóttir lögmaður.
Umsóknir verða afhentar dómnefnd um hæfni umsækjenda um embætti dómara á allra næstu dögum. Stefnt er að því að ákvörðun um skipun liggi fyrir hið fyrsta eftir að umsögn dómnefndar berst ráðherra. Héraðsdómur Norðurlands eystra er á Akureyri.
Tengdar greinar
Uppfært: 6. september 2026










