MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Menning

Fiðringur á Norðurlandi fagnar 5 ára afmæli

Eftir Ingólfur Stefánsson·
Fiðringur2025-8283
kaffid.is

Í ár taka tíu grunnskólar af Norðurlandi þátt í sviðslistarviðburðinum Fiðringi á Norðurlandi sem haldinn verður í Hofi þann 6. maí. Varmahlíðarskóli tekur nú þátt í fyrsta sinn, og stefnan er að virkja alla grunnskóla á svæðinu frá Borðeyri til Bakkafjarðar. Fiðringur fagnar 5 ára afmæli í ár.

Nemendur á unglingastigi hafa unnið að atriðum sínum alla vorönnina með leiðbeinendum, en mikil áhersla er lögð á sjálfstæði og lýðræðislega vinnu. Unglingarnir skapa allt sjálfir, frá hugmynd og leikmynd til búninga, sviðshreyfinga, ljósa og hljóðs. Verkefnið eflir því sköpun og tjáningu nemenda sem fá að koma sínum skoðunum á framfæri á listrænan hátt.

Í dómarahléi á úrslitakvöldinu verður flutt Fiðringslagið, sem í ár er lagið „Hvar ertu nú?“ með Maron Birni, sem mætir og skemmtir gestum.

Kynnar verða leikarnir Hólmfríður Hafliðadóttir og Níels Thibaud Girerd sem léku hjá Leikfélagi Akureyrar í vetur. Í dómnefnd sitja Bergur Þór Ingólfsson leikhússtjóri, Ingunn Elísabet Hreinsdóttir dansari og kennari og Rebekka Rut fulltrúi Ungmennaráðs Akureyrar. Sérstök verðlaun verða veitt fyrir skapandi notkun íslenskunnar, metin af Eyrún Huld Haraldsdóttir íslenskukennara.

Tengdar greinar

Uppfært: 6. september 2026