Halldór Jón Sigurðsson, Donni, verður næsti þjálfari Pepsi-deildarliðs Þór/KA. Frá þessu greindi Morgunblaðið í dag. Samkvæmt heimildum Kaffið.is verður Donni kynntur til leiks sem nýr þjálfari kvennaliðsins á morgun.
Þetta þykja eflaust einhverjum frekar furðulegar fregnir enda yfirgaf Donni karlalið Þórs á dögunum af persónulegum ástæðum og við starfi hans tóku bræðurnir Lárus Orri og Kristján Örn Sigurðssynir.
Auglýsing - Vilt þú auglýsa hér?
Donni tekur við kvennaliðinu af Jóhanni Kristni Gunnarssyni sem ákvað að stíga frá borði eftir fimm ár í brúnni en liðið hefur verið í fremstu röð á landsvísu undanfarin níu ár.
Kaffið.is verður með viðtal við Donna á morgun.
