Isavia hefur óskað eftir tilboðum í 1.100 fermetra viðbyggingu við flugstöðina á Akureyrarflugvelli ásamt breytingum á núverandi flugstöð og nánasta umhverfi. Greint er frá þessu á vef RÚV.
Fyrsta skóflustungan að nýrri fugstöð var tekin 16. júní síðastliðinn en áætlað er að opna tilboð í byggingu flugstöðvar í ágúst.
Sjá einnig: Fyrsta skóflustungan að nýrri flugstöðvarbyggingu á Akureyrarflugvelli
„Viðbyggingin er stálgrindarhús, klætt einingum með stórum gluggum sem hleypa inn náttúrulegri birtu og útsýni yfir fjörðinn,“ segir meðal annars í útboðsgögnum.
