Búið að ryðja allar götur á Akureyri

Það var víða þungfært á Akureyri um helgina

Nú á að vera búið að ryðja allar götur í bænum og unnið er við að minnka snjóruðninga til að auka öryggi vegfarenda.

Ennþá er unnið við mokstur gönguleiða og það verk er langt komið. Spáð er hláku þegar fer að líða á daginn og þá verða erfiðustu staðirnir hálkuvarðir.

Vegfarendur eru hvattir til að fara varlega og vera vel búnir í hálkunni. Þetta kemur fram á Facebook síðu bæjarins.