MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fólk

Bryndís Rún og Snævar Atli sundfólk Óðins 2016

Eftir Ingólfur Stefánsson·

Bryndís Rún og Snævar Atli sundfólk Óðins 2016
Bryndís Rún Hansen sundkona

Í síðustu viku var haldin uppskeruhátíð sundfélagsins Óðins fyrir árið 2016. Þar var farið yfir árangur liðsins á árinu og sundfólk heiðrað. Samkvæmt heimasíðu Óðins var góð mæting á hátíðina og allir skemmtu sér vel. Staðið var fyrir vali á sundfólki ársins hjá félaginu og urðu þau Bryndís Rún Hansen og Snævar Atli Halldórsson fyrir valinu.

Sjá einnig: Í skýjunum með fimm íslandsmet á fimm dögum

Bryndís Rún er 23 ára sundkona í Sund­fé­lag­inu Óðni. Hún stund­ar  nám í The Uni­versity of Hawaii og keppir með skólaliðinu.  Bryndís er með bestan árangur sundkvenna á Íslandi í dag bæði 50m og 100m flugsundi og 50m og 100m skriðsundi.

Árið 2016 vann hún 5 Íslandsmeistaratitla á Íslandsmeistaramótinu og setti 1 Íslandsmet. Hún synti undir þremur B lágmörkum fyrir Ólympíuleikana í Rio og komst í undanúrslit á Evrópumeistaramótinu í London EM50 í einstaklingsgrein þegar hún bætti sitt eigið Íslandmet í 50m flugsundi. Á Heimsmeistaramótinu í Kanada setti hún 2 Íslandsmet og náði inn í undanúrslit á stórbættu Íslandsmeti í 50m flugsundi.

Bryndis átti sæti í boðsundsveit Íslands í 4×100 m fjór­sundi bæði á EM50 og HM25 Boðsundsveit­in er gríðalega sterk og varð m.a í 6 sæti á EM50 og er sem stend­ur í 10. sæti á Evrópu­lista og í 16. sæti á heimslista.

Snævar Atli er 16 ára og hefur æft sund með Óðni síðan hann var 6 ára gamall og er fæddur og uppalinn Akureyringur.Hann stundar nám við Verkmenntaskólann á Akureyri við íþrótta- og lýðheilsubraut.

Bryndís Rún og Snævar Atli sundfólk Óðins 2016
Snævar Atli. Mynd: odinn.is

Á árinu 2016 keppti Snævar á fjölmörgum mótum innanlands. Hans aðalsund eru bringusund og fjórsund. Hann fjórbætti Akureyrarmetið í 50m bringusundi í 50m laug á árinu. Einnig tvíbætti hann metið í 100m bringusundi á Íslandsmeistaramótinu, fyrst í undanúrslitumog svo í úrslitum. Í 200m bringusundi setti hann Akureyrarmet í piltaflokki sem og karlaflokki.

Tengdar greinar

Uppfært: 22. apríl 2026