Bilun í umferðarljósum á gatnamótum Glerárgötu og Tryggvabrautar veldur því að ljósastýringin virkar ekki. Unnið er að viðgerð en viðbúið er að truflanir verði á þessu fram eftir degi samkvæmt upplýsingum frá Akureyrarbæ. Þetta kemur fram í tilkynningu lögreglunnar á Facebook.
Ljósin geta dottið út og í dag verður slökkt á þeim tímabundið til þess að staðsetja bilunina.
Auglýsing - Vilt þú auglýsa hér?
„Í ljósi þessa beinum við því til ökumanna að fara varlega, sýna tillit og fara eftir þeim umferðarmerkjum sem eru til staðar,“ segir í tilkynningu lögreglunnar.
