AtNorth vinnur að umfangsmestu stækkun gagnavers hérlendis, við rætur Hlíðarfjalls, þar sem tvö ný gagnavershús eru í byggingu fyrir yfir 40 milljarða króna, greinir RÚV frá. Hundrað verktakar vinna að framkvæmdunum, og fyrri byggingin verður tekin í notkun um mitt ár og sú seinni undir lok árs. Allt rými í nýju húsunum er þegar selt og munu þau nota um tíu megavött af orku. Hluti glatvarmans frá gagnaverinu er nýttur til ræktunar grænmetis í samstarfi við Hringvarma. Eyjólfur Magnús Kristinsson, forstjóri AtNorth, segir eftirspurn eftir þjónustu fyrirtækisins mikla og stefnt er á frekari stækkun á Akureyri og víðar á næstu árum.
Hægt er að lesa nánar á vefsíðu RÚV.
