MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Menning

Aníta Hirlekar opnar sýninguna Bleikur og grænn

Eftir Ingólfur Stefánsson·
Aníta Hirlekar opnar sýninguna Bleikur og grænn
Aníta Hirlekar

Laugardaginn 19. maí kl. 15 verður opnuð í Listasafninu á Akureyri, Ketilhúsi sýning Anítu Hirlekar, Bleikur og grænn. Í hugmyndafræði Anítu sameinast handverk og tískuvitund með einkennandi hætti. Listrænar litasamsetningar og handbróderaður stíll eru áberandi þættir í hönnun hennar.

Það er vel við hæfi að nota orðfæri listfræðinnar þegar hönnun Anitu er skoðuð. Anita sækir innblástur í myndlist og tekst á við verkefni sín á forsendum hennar. Vísun til myndhöggvarans er til að mynda ekki fráleit þegar horft er til Anitu; sniðin hennar eru gjarnan skúlptúrísk. Þau taka sitt eigið form en fylgja ekki endilega líkamanum.

Aníta Hirlekar lauk BA námi í fatahönnun með áherslu á textílprent 2012 og MA gráðu í textílhönnun fyrir tískufatnað frá Central Saint Martins í London 2014. Hún hefur tekið þátt í fjölda sýninga bæði á Íslandi og erlendis, m.a. á tískuvikunni í London og París, Espoo Museum of Modern Art í Finnlandi og í Hönnunarsafni Íslands. Aníta var tilnefnd til Menningarverðlauna DV 2015 og hönnun hennar var í forvali fyrir Hönnunarverðlaun Íslands 2015. Hún hlaut Fashion Special Prize í International Talent Support hönnunarkeppninni á Ítalíu 2014.

Sýningin stendur til 16. september og verður opin alla daga kl. 10-17. Leiðsögn um sýninguna verður á fimmtudögum kl. 12.15-12.45.

Aníta Hirlekar opnar sýninguna Bleikur og grænn

Tengdar greinar

Uppfært: 22. apríl 2026