Eitt af markmiðum í umhverfis- og samgöngustefnu Akureyrarbæjar er að fjölpóstur sem berst inn á heimili bæjarins sé sem minnstur.
Íbúar bæjarins eru hvattir til þess að lágmarka fjölpóst og bent er á að hægt er að fá límmiða þar sem fjölpóstur er afþakkaður. Í tilkynningu frá Akureyrarbæ segir:
Auglýsing - Vilt þú auglýsa hér?
„Mikið magn af pappír berst inn á heimilin. Mikilvægt er að hann sé settur í endurvinnslutunnuna eða grenndargáma. Íbúum er einnig bent á að hægt er að afþakka fjölpóst með sérstökum límmiðum á bréfalúgur og póstkassa sem fást hjá Póstinum.”
Fyrirtæki og stofnanir geta lágmarkað fjölpóst með því að nota aðrar leiðir til að koma skilaboðum til skila.
Á heimasíðu Póstsins má panta límiðann og afþakka fjölpóst og fríblöð.
