MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Aflýsa óvissustigi almannavarna fyrir Norðurland

Eftir Ingólfur Stefánsson·
Mynd: Roar Ottemo
Mynd: Roar Ottemo· kaffid.is

Ríkislögreglustjóri hefur ákveðið að aflýsa óvissustigi almannavarna fyrir Norðurland vestra og Norðurland eystra. Þetta kemur fram á Facebook síðu Almannavarnadeildar ríkislögreglustjóra. Ákvörðunin er tekin í samráði við lögreglustjóra viðkomandi embætta.

Óvissustigi almannavarna var lýst yfir þann 9. desember vegna slæmrar veðurspár. Það var hækkað upp í hættustig þann 10. desember en lækkað aftur í óvissustig þann 16. desember. Óvissustigi almannavarna var haldið á meðan enn var unnið að viðgerðum á mikilvægum innviðum.

Afleiðingar óveðursins urðu miklar á marga mikilvæga innviði eins og samgöngur, fjarskipti og rafmagn, sérstaklega á Norðurlandi. Veðrið olli umtalsverðu tjóni á línukerfum RARIK og Landsnets og hafði víðtækar rafmagnstruflanir í för með sér.

Dreifikerfi rafmagns á Norðurlandi er nokkuð laskað eftir áraunir síðustu vikna og viðbúð er að kerfið þoli minna en ella á næstunni. Framundan er mikil vinna við að klára endanlegar viðgerðir og ýmiss úrvinnsla. Á sumum stöðum verður ekki hægt að fara í fullnaðarviðgerðir fyrr en í sumar.

https://www.facebook.com/plugins/post.php?href=https%3A%2F%2Fwww.facebook.com%2FAlmannavarnir%2Fposts%2F2990584310973332&width=500

Tengdar greinar

Uppfært: 22. apríl 2026