MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Aðgengisstroll á Akureyri í tilefni Evrópsku samgönguvikunnar

Eftir Ingólfur Stefánsson·
Untitled design
kaffid.is

Evrópska samgönguvikan fer fram dagana 16.–22. september 2025. Yfirskrift vikunnar að þessu sinni er Samgöngur fyrir öll, þar sem áhersla er lögð á að skapa aðgengilegt og öruggt samfélag fyrir alla – óháð hreyfigetu.

Aðalviðburður vikunnar verður svokallað „Aðgengisstroll“, haldið í samstarfi við Sjálfsbjörg á Akureyri og Virk efri ár, miðvikudaginn 17. september kl. 16.30. Farið verður frá Lystigarðinum að bílaplaninu við Íþróttahöllina, um 400 metra leið. Strollinu lýkur á planinu við Íþróttahöllina, þar sem boðið verður upp á grillaðar pylsur og samtal um upplifun þátttakenda. Þar verður einnig strætisvagn til sýnis með tilliti til aðgengis, auk þess sem gestum gefst tækifæri á að prófa að fara yfir minni hindranir í hjólastól, undir leiðsögn Sjálfsbjargar. Álíka stroll var haldið í Reykjavík í sumar, þar sem sex félög, CP, GIGT, MND, MS, SEM og SJÁLFSBJÖRG stóðu fyrir vitundavakningu um aðgengismál.

Aðgengisstrollið miðar að því að vekja athygli á aðgengismálum og mikilvægi þess að allir geti farið leiðar sinnar á öruggan og sjálfstæðan hátt. Búist er við að mörg sem nota hjálpartæki taki þátt – og við hvetjum einnig alla aðra til að fara leiðina með okkur. Bæjarfulltrúar munu fara leiðina í hjólastól sem Sjálfsbjörg útvegar og öðlast þannig einstakt tækifæri til að öðlast innsýn í daglega reynslu fólks með skerta hreyfigetu.

Öll eru velkomin til að taka þátt og nota tækifærið til að eiga í beinu samtali við bæjarbúa um aðgengi og hindranir í nærumhverfinu.

Tengdar greinar

Uppfært: 25. apríl 2026