16 tillögur bárust í hönnunarsamkeppni um Akureyrarvöll
Eftir Ingólfur Stefánsson·

Alls bárust 16 tillögur í opna framkvæmdasamkeppni um skipulag Akureyrarvallar og nágrennis sem Akureyrarbær efndi til í samvinnu við Arkitektafélag Íslands. Ein tillaga reyndist ógild og eru því 15 gildar tillögur nú til umfjöllunar hjá dómnefnd. Þetta kemur fram í tilkynningu á vef Akureyrarbæjar í dag.
Þar segir að tilgangur samkeppninnar hafi verið að leita að hönnunarhópi og fá fram raunhæfa tillögu að miðbæjarumhverfi sem væri eftirsóknarvert til búsetu og suðupottur fyrir margvíslega starfsemi í hjarta Akureyrarbæjar.
Stefnt er að því að tilkynna um niðurstöðu samkeppninnar og afhenda verðlaun við athöfn í Hofi þriðjudaginn 26. maí klukkan 17.00.
Tengdar greinar
Uppfært: 6. september 2026










