Maðurinn sem handtekinn var á Svalbarðseyri í gærmorgun var úrskurðaður í gæsluvarðhald fram á mánudag.
Í tilkynningu frá Lögreglunni á Norðurlandi eystra segir að maðurinn hafi ógnað að minnsta kosti tveimur öðrum mönnum með pinnabyssu. Pinnabyssa er skammbyssa sem notuð er til þess að aflífa stórgripi.
Auglýsing - Vilt þú auglýsa hér?
Hann er grunaður um að hafa tekið byssuna ófrjálsri hendi úr húsi á Svalbarðseyri. Maðurinn sem er á fertugsaldri er einnig grunaður um önnur þjófnaðarbrot og eru þau mál til rannsóknar hjá lögreglu.
