Þór tapaði með miklum mun gegn Fjölni í fyrsta leik liðanna í 8-liða úrslitum úrslitakeppni 1. deildarinnar í körfubolta, liðin áttust við í Reykjavík í gærkvöldi.
Leiknum lauk með 32 stiga sigri heimamanna, 100-68, í leik þar sem Fjölnir hafði yfirhöndina frá upphafi. Tim Dalger skoraði mest fyrir Þór, 26 stig og tók níu fráköst.
Næsti leikur fer fram í Íþróttahöllinni á Akureyri mánudaginn 31.mars næstkomandi.
