Innkirtlamóttaka SAk fagnar 10 ára afmæli um þessar mundir. Innkirtlamóttakan hefur frá upphafi verið mikilvæg þjónusta fyrir einstaklinga með sykursýki og áður fyrir þau sem takast á við aðra innkirtlasjúkdóma á starfssvæði SAk. Þetta kemur fram á vef Sjúkrahússins á Akureyri.
„Á innkirtlamóttökunni er lögð áhersla á einstaklingsmiðaða þjónustu, hvatningu í lífsstíl, meðferðarstýringu og árlegt eftirlit til að fyrirbyggja fylgikvilla. Hefur innkirtlamóttakan skipt talsverðu máli við að veita nærþjónustu og samfellu í meðferð. Innkirtlamóttaka SAk er innan Göngudeildar lyflækninga sem áður var Almenn göngudeild,“ segir á vef SAk þar sem má lesa meira.