Handboltamaðurinn Heiðar Þór Aðalsteinsson hefur ákveðið að taka skóna úr hillunni og skrifa undir leikmannasamning við Þór Akureyri. Heiðar mun hjálpa Þór í gegnum úrslitakeppni Grill66 deildarinnar þar sem margir af leikmönnum liðsins eru að glíma við meiðsli.
Heiðar er uppalinn í Þorpinu en hann spilaði síðast fyrir Val og þar á undan Akureyri handboltafélag.
