Eitt sögufrægasta hús Oddeyrarinnar, Strandgata 49, mun fá nýtt hlutverk þegar Bryggjan Boutique Hotel opnar í byrjun júní. Húsið á sér rúmlega 150 ára sögu og er oft talið ein af fallegri byggingum Akureyrar, en Akureyri.net greindi fyrst frá.
Hótelið verður með 17 rúmgóðum herbergjum, þar á meðal 65 fermetra svítu á efstu hæð. Gestir munu njóta nútímalegrar og hlýlegrar gistingar í smekklegri innanhússhönnun frá Grafít. Aðstaða fyrir geymslu á útivistardóti, gufa og heitir pottar á verönd gera hótelið hentugt fyrir þá sem vilja njóta náttúrunnar á Akureyri.
Eigandinn, Róbert Häsler Aðalsteinsson, segir hótelið leggja áherslu á persónulega upplifun og einstakt umhverfi. Bókanir fyrir sumarið eru komnar af stað og þá sérstaklega frá erlendum ferðamönnum.
Lesa má nánar á vef akureyri.net.
