Tölvuteikning sem sýnir legu nýju stólalyftunnar.
Á morgun, sumardaginn fyrsta klukkan 12.30, hefst formlega undirbúningur að framkvæmdum við nýja stólalyftu í Hlíðarfjalli.
Fjórir krakkar sem keppa á Andrésar andar leikunum um helgina verða þess heiðurs aðnjótandi að taka fyrstu skóflustungurnar.
Það eru „Vinir Hlíðarfjalls“ og Samherji sem standa að uppsetningu nýju lyftunnar. Boðið verður upp á ferðir fyrir gesti með snjótroðara að fyrirhugaðri drifstöð nýju lyftunnar í Hlíðarfjalli. Lagt verður af stað frá Skíðahótelinu í Hlíðarfjalli klukkan 12.20.
UMMÆLI