Jóhann Gunnar Malmquist, sölustjóri málaradeildar fyrirtækisins Sérefni, afhenti í gær listnáms- og hönnunarbraut VMA gjöf frá fyrirtækinu – svokallaðan litaljósakassa. Kassinn getur gefið mismunandi birtu og er með fjórar birtustillingar: náttúruleg birta, útfjólublátt, dagsbirta og hlý birta (ambient).
„Kennararnir Borghildur Ína Sölvadóttir og Véronique Legros veittu kassanum viðtöku og þökkuðu Jóhanni/Sérefni þessa góðu gjöf. Þær sjá fyrir sér margvíslega notkunarmöguleika, ekki síst í litafræðikennslu og við samanburð á litum út frá mismunandi birtuskilyrðum, og einnig komi hann að góðum notum við myndatökur nemenda af verkum,“ segir á vef VMA.
Auglýsing - Vilt þú auglýsa hér?
