Akureyringar vöknuðu heldur betur við vetrar aðstæður í morgun, en það snjóaði þungt í nótt og þegar þessi frétt er skrifuð snjóar enn. Snjónum fylgir á köflum mikið rok og er því um sannkallaða stórhríð að ræða. Samkvæmt spám Veðurstofunnar mun vindurinn ekki hægja á sér fyrr en á morgun, en úrkomunni ætti að linna að mestu leyti í kvöld eða í nótt.
Óvissustigi vegna snjóflóðahættu hefur verið lýst yfir víða á Norðurlandi. Þar að auki er gul viðvörun í gildi vegna veðurs og er fólki bent á að ferðast ekki nema af brýnni nauðsyn.
Jóhann Auðunsson er góðvinur Kaffisins og sér um þættina „Í vinnunni með Jóa“ á KaffiðTV. Jói náði skemmtilegum myndum af hríðinni snemma í morgun sem fylgja hér með.
UMMÆLI