Tveir á slysadeild eftir árekstur

Tveir einstaklingar voru fluttir á slysadeild Sjúkrahússins á Akureyri eftir tveggja bíla árekstur á Akureyri í gærkvöldi.

Áreksturinn varð við gatnamót Hlíðarbrautar og Austursíðu en meiðslin eru talin minniháttar.

Talsverð hálka er á götum Akureyrar og lögreglan hefur sent frá sér tilkynningu þar sem vegfarendur eru beðnir um að fara varlega. Tvö minniháttar óhöpp urðu til viðbótar í umferðinni á Akureyri í gær.

Sjá einnig:

Lögregla varar við hálku á Akureyri