MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fólk

,,Þrátt fyrir að glíma við mikla heyrnaskerðingu hefur Júlía sungið frá barnsaldri“

Eftir Ingibjörg Bergmann·
,,Þrátt fyrir að glíma við mikla heyrnaskerðingu hefur Júlía sungið frá barnsaldri“

Júlía er 29 ára Dalvíkingur sem á sér langan söngferil að baki. Þrátt fyrir að glíma við mikla heyrnarskerðingu þá hefur hún sungið frá barnsaldri og sungið mikið opinberlega á Norðurlandi, áður en hún hóf lagasmíðar og textaskrif. Júlía hefur núna gefið út sína fyrstu plötu, sem ber heitið Forever.

Hún hefur komið fram með hljómsveitum víða, m.a á Allanum á Siglufirði og Kaffi Rauðku, á Fiskidögum á Dalvík og í Dalvíkurkirkju, á Rokkhátíð í Árskógi og spilað reglulega á hátíðarhöldum á Akureyri, sem og á Kaffi Akureyri og Kaffi Amour , Pósthúsbarnum , Oddvitanum og í veislum og giftingum.

Árið 2012 fluttist hún utan til Danmerkur þar sem hún stundaði nám sem söngkennari hjá Complete Vocal Technique í Kaupmannahöfn. Þá starfaði hún einnig sem söngkennari hjá Mainhouse Music í Árósum og unaði vel. Júlía hóf rekstur fyrirtækis síns MusicMasters í Danmörku og hóf vinnu sína í lagasmíðum, útsetningu laga og textasmíðum og hefur hún fengið mikla athygli hjá vel þekktum, erlendum upptökustjórum og plötuútgefendum, meðal annars Sony og Universal. Júlía fluttist heim til Dalvíkur í maí 2016 og hefur verið í upptökum í Hofi hjá Hauki Pálmasyni.

Platan er nú komin á allar helstu tónlistarveitur og nú er Júlía í fullum undirbúningi að taka upp tónlistarmyndbönd og skipuleggja tónleikaferðalög erlendis.
Þú getur hlustað á plötuna í heild sinni hér að neðan:

Tengdar greinar

Uppfært: 22. apríl 2026