Dalvíska hvalaskoðunarfyrirtækið Arctic Sea Tours greindi frá því á Facebook síðu sinni aðfaranótt mánudags að í einum af ferðum sínum síðastliðinn sunnudag hafi sést til steypireyðar.
Líkt og flestum er kunnugt er steypireyður stærsta dýr jarðar, en hvalurinn fullvaxinn getur orðið allt að 200 tonn á þyngd. Í símtali við Kaffið sagði starfsmaður Arctic Sea Tours að hnúfubakar hafi sést í ferðum þeirra á hverjum degi frá því 1. mars síðastliðinn, en að þetta sé í fyrsta skiptið þetta árið sem að sést hefur til steypireyðar. Stundum sést til risans í hvalaskoðunarferðum fyrirtækisins í apríl, en það hafði ekki gerst þetta árið.
![](https://www.kaffid.is/wp-content/uploads/2024/06/448900119_18438809335002695_925167933988479296_n-650x434.jpg)
![](https://www.kaffid.is/wp-content/uploads/2024/06/448917513_18438809353002695_9080016260468970012_n-650x434.jpg)
UMMÆLI