Líkt og Kaffið hefur fjallað um rigndi óhemjumikið á Tröllaskaganum í síðustu viku og er Siglufjarðarvegur mikið tjónaður. Samkvæmt Vegagerðinni er hann þó enn opinn fyrir umferð en fólk er beðið að fara með gát.
Bjarni Jónsson, formaður umhverfis- og samgöngunefndar Alþingis og þingmanns Vinstri grænna, hefur boðað til upplýsingafundar næstkomandi mánudagsmorgun fyrir nefndina, Vegagerðina og sveitarfélögin Fjallabyggð og Skagafjörð vegna Siglufjarðarvegar í Almenningum. Ástæðan er sú að það virðist hafa fallið undan veginum í Strákagöngum þar sem hola hefur myndast þar. Mbl.is sagði frá og hafði eftir Bjarna:
„Vegurinn er einfaldlega hættulegur og staðan kallar á það að það verði brugðist eins öflugt við og hægt er.“
UMMÆLI