MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

SAk fékk veglega peningagjöf frá Samherja

Eftir Ingibjörg Bergmann·
SAk fékk veglega peningagjöf frá Samherja
Læknarnir og hjartasérfræðingarnir Torfi Jónasson og Gunnar Þór Gunnarsson tóku við gjöfinni fyrir hönd sjúkrahússins. Mynd: Samherji.is.

Björg EA 7 var formlega nefnd við hátíðlega athöfn á togarabryggjunni á Akureyri síðastliðinn laugardag. Af því tilefni gaf Samherji Sjúkrahúsinu á Akureyri veglega peningagjöf sem nota á til að undirbúa það að koma upp hjartaþræðingu við sjúkrahúsið.

Björg EA 7 er nýjasta skip Samherja. „Endurnýjun skipaflota Samherja og Útgerðarfélags Akureyringa er stórt skref í þá átt að festa Eyjafjarðarsvæðið í sessi sem eitt öflugasta útgerðar- og fiskvinnslusvæði landsins. Útgerðarfélag Akureyringa er nú ein tæknivæddasta fiskvinnsla landsins og framkvæmdir við nýja hátæknifiskvinnslu eru hafnar á Dalvík. Slíkar vinnslur þurfa öflug skip og hafa verður í huga að oft eru veiðisvæðin langt frá Eyjafirði og veðurfarið oft erfitt. Slíkt skip liggur hér við landfestar,“ sagði Þorsteinn Már Baldvinsson, forstjóri Samherja í ræðu sinni við athöfnina.

Gjöf til SAK til að undirbúa að setja upp hjartaþræðingu

Kristján Vilhelmsson, framkvæmdastjóri útgerðarsviðs Samherja, afhenti fyrir hönd félagsins, Sjúkrahúsinu á Akureyri (SAk) peningagjöf í tilefni dagsins. Kristján sagði við það tækifæri að Samherji hefði oft verið í þeirri aðstöðu að geta lagt fram peninga til samfélagsins á ýmsum tímamótum eins og þessum.

„Í framtíðarsýn Sjúkrahússins á Akureyri til ársins 2021 er sett fram það metnaðarfulla markmið að koma upp hjartaþræðingu við sjúkrahúsið. Undirbúningur þessa viðamikla verkefnis er í gangi og kallar á mikla fjármuni. Við höfum ákveðið á þessum tímamótum að færa Sjúkrahúsinu á Akureyri tíu milljónir króna að gjöf til að koma verkefninu af stað. Mér er það líka sönn ánægja að tilkynna það að til viðbótar mun Samherji færa Sjúkrahúsinu á Akureyri 25 milljónir króna að gjöf þegar tækin sem í verkefnið þarf verða pöntuð. Það er alveg ljóst að við höfum hæft fólk til að ljúka þessu metnaðarfulla verkefni farsællega og koma upp hjartaþræðingu við Sjúkrahúsið á Akureyri. Það er okkar og annarra að sjá til þess að framhaldið verði farsælt,“ sagði Kristján.

Tengdar greinar

Uppfært: 22. apríl 2026